-
How to jot down in your mobile, notes and items to remember?
குறிப்புகள் முக்கியம்! நூறு ஆண்டுகள் கடந்தும் கணித மேதை ராமானுஜனின் சில கையெழுத்துக் குறிப்புகளை இன்னும் விளங்கிக் கொள்ள முடியவில்லை. அப்படியொரு எழுத்து. இருக்கட்டும். நாமெல்லாம் மேதைகள் இல்லை. இருந்தாலும் அன்றாட வாழ்வில் பல விஷயங்களை, தொலைபேசி எண்களை, முகவரிகளை, தேதிகளைத் தினமும் குறித்துக் கொள்ள வேண்டியிருக்கிறது. முன்பெல்லாம் அவற்றை நாட்குறிப்பு அல்லது காகிதங்களில் எழுதி வைத்திருந்தோம். இப்போது பலரிடம் பேனாவே கிடையாது. பேனாவைப் பயன்படுத்துவதே கூரியரைப் பெற கையெழுத்து போடும் போது மட்டும் தான். மற்றபடி எல்லாவற்றுக்கும் செல்பேசி. செல்பேசியில் எப்படிக் குறிப்புகளை எடுப்பது? எல்லாவற்றையும் வாட்ஸ்-அப்பில் அனுப்ப முடியாது – உங்களுக்கு மட்டுமே தேவையான விஷயங்களை என்ன செய்வது..? சிலர் தங்களுக்குத் தாங்களே மின்-அஞ்சல் அனுப்பிக் கொள்வார்கள். இதெல்லாம் சரியான வழியில்லை. அல்லது தலையைச் சுற்றி மூக்கைத் தொடும் வழி.குறிப்புகளை எழுதி, வகைப்படுத்தி, பாதுகாத்து, தேடுவதைச் சுலபமாக்க சில பிரத்தியேகமான செயலிகள் இருக்கின்றன. அவற்றில் சிலவற்றையும் அவற்றின் பயன்பாடுகளையும் பார்க்கலாம்… இன்று மெட்ராஸ் பேப்பரில் (28 செப்டெம்பர் 2022) வந்துள்ள எனதுக் கட்டுரையில் தொடர்ந்துப்…
-
What electronics to pack on your next travel?
புதிய வானம், புதிய பூமி எங்கும் பனிமழை பொழிகிறது, என்று பாடி ஆடிக்கொண்டே சிம்லாவை வலம் வரும் எம்.ஜி.ஆரின் கையில் இருக்கும் அந்த சிவப்புப் பெட்டியை யாரும் மறந்திருக்க முடியாது. அவர் போவது அவரது சொந்த மாளிகைக்கு. அங்கே அவருக்குத் தேவையான அனைத்தும் – மாற்று துணி உட்பட – தயாராக இருக்கும். அதனால் புரட்சித்தலைவருக்கு அந்தச் சிறிய கைப்பெட்டி போதும். நமக்கெல்லாம் அப்படியா? போகுமிடங்களில் தேவையானவற்றை முன்கூட்டியே யோசித்து மூட்டை கட்டிக் கொண்டு செல்லவேண்டும். இப்போதெல்லாம் அந்தப் பட்டியலே செல்பேசிக்குத் தேவையானவற்றில் இருந்து தொடங்குகிறது – செல்பேசி மற்றும் அதன் மின்னேற்றி (சார்ஜர்). அவ்வளவு தானே, இது என்ன பெரிய விஷயம் என்கிறீர்களா? குப்பைக்கும் பயனுண்டு வெளியூர் போன இடத்தில் செல்பேசி காணாமல் போனாலோ, உடைந்து போனாலோ நம்மால் எந்த வேலையும் செய்ய முடியாது. வாடகைக் காரை அழைக்க முடியாது, இரயில் டிக்கெட்டை பரிசோதகரிடம் காட்ட முடியாது, போகும் இடத்திற்கு வழி தெரியாது என்று அப்படியே விறைத்துப் போய் விடுவோம். இதைத் தவிர்க்க மாற்று…
-
Lesser known features in WhatsApp
ஒரு போட்டி. உங்கள் பர்ஸில் இந்த நொடி எவ்வளவு பணம் இருக்கிறது என்பதை உங்களால் சரியாகச் சொல்ல முடியுமா..? அன்றாடம் பல முறை பர்ஸை எடுக்கிறோம், ஆனாலும் அந்தளவு கவனிப்பதில்லை. அது போலவே தினம் பத்திலிருந்து, இருபது முறை நாம் அனைவரும் செல்பேசியில் இருக்கும் வாட்ஸ்-ஆப் செயலியைப் பயன்படுத்துகிறோம். இருந்தும் அதில் இருக்கும் எல்லா வசதியும், புதிது புதிதாக வந்திருக்கும் வசதிகளும் நமக்குத் தெரிந்திருக்க வாய்ப்பில்லை. அப்படிப்பட்ட அதிகம் தெரியாத வாட்ஸ்-ஆப் வசதிகளை இங்கு பார்க்கலாம். போலிகள் செய்யக்கூடியதைப் பார்க்கும் முன், ஆபத்தான, செய்யக் கூடாததைப் பார்த்து விடுவோம். வாட்ஸ்-ஆப் அனுப்பும் வாசகங்களை வண்ணமயமாக வெவ்வேறு வண்ணங்களில் எழுதலாம், வரிகளின் கீழே கோடிட்டு காட்டலாம், ரகசியமாக செய்திகளை அனுப்பலாம் என்றெல்லாம் பல விளம்பரங்களை பேஸ்புக்கில் அல்லது இணைய தளங்களில் பார்த்திருப்பீர்கள். இப்படியான வசதிகளைப் பெற அவர்களின் பிரேத்யேக தளங்களுக்கு உங்களை அழைப்பார்கள். கண்டிப்பாக இவை அனைத்தும் போலிகள். நேரத்தை வீணடிக்க வேண்டாம். உருப்படியாக எதையும் இவற்றைப் பயன்படுத்தி செய்ய முடியாது, அதுவும் தமிழ் போன்ற மொழிகளுக்கு…
-
How to secure the contents in your smartphone?
உங்களின் செல்பேசி தகவல்களைப் பாதுக்காப்பது எப்படி? இன்று மெட்ராஸ் பேப்பரில் வந்திருக்கும் எனதுக் கட்டுரை. குறைந்தபட்ச இணையப் பாதுகாப்பறிவு என்பதைப் பற்றி எழுதியுள்ளேன், அனைவரும் தெரிந்துக் கொள்ள வேண்டிய, எளிய ஐந்து விஷயங்கள். படித்துவிட்டு, உங்கள் கருத்துக்களைப் பகிரவும். // பேகசஸ் ஒட்டுக்கேட்பு வழக்கு என்று கூகுளில் ஒரு நிமிடம் தேடிப் படியுங்கள். பிறகு இந்தக் கட்டுரைக்கு வாருங்கள். இந்த வழக்கில் உச்சநீதி மன்ற உத்தரவின் பேரில் ஆய்வு மேற்கொண்ட தொழில்நுட்பக் குழு, ஐந்து செல்பேசிகளில் மால்வேர் பதுங்கியிருக்கிறது; ஆனால் அவை பயனர்களின் கவனக் குறைவால், குறைந்தபட்ச இணைய பாதுகாப்பறிவுகூட இல்லாததால்தான் நடந்தது எனச் சொல்லியிருக்கிறது. அது என்ன குறைந்தபட்ச இணையப் பாதுகாப்பறிவு? லினக்ஸில் வைரஸ் வராது, ஐபோனில் இருந்து தகவல்களைத் திருட முடியாது என்பதெல்லாம் ஓரளவுக்குதான். உங்களிடம் முக்கியமான தகவல் இருக்கிறது அல்லது நீங்கள் ஒரு பெரிய பிரபலம் என்பதால், உங்களின் கருவியைக் கைதேர்ந்த வல்லுநர் குழு குறி வைத்துவிட்டால் உங்களால் செய்ய கூடியது ஒன்றும் கிடையாது. பயமுறுத்தியது போதும். நம் கருவிகளைப் பாதுகாப்பது…
-
How to preserve your old photos & videos?
தங்களிடமிருக்கும் பழைய படங்கள், வீடியோக்களைப் பாதுகாப்பது எப்படி? எளிய பரிந்துரை. இன்றைக்கு (24 ஆகஸ்ட் 2022) வந்திருக்கும் மெட்ராஸ் பேப்பர் இணைய இதழில் என்னுடைய இந்த வாரக் கட்டுரை. அழியக் கூடாத நினைவுகள் அரண்மனை (2014) திரைப்படத்தில் பால்சாமியாக வரும் நடிகர் சந்தானத்தை நினைவிருக்கிறதா? அதில், பெரிய ஜமீன் சொத்துக்கு வாரிசு என நிரூபிக்க இருந்த ஒரே ஆதாரம் அவரது ஆயாவின் பழைய போட்டோ. அதில் ‘ஏதோ’பட்டு அழிந்துவிட அதைத் தேடி, பேய் மாளிகைக்கு வந்து படாத பாடு படுவார். இதுபோல உங்களுக்கு நடக்காமல் இருக்க நம்முடைய பெற்றோர், மூதாதையர்கள் வாழ்வின் முக்கியமான தருணங்களில் எடுக்கப்பட்ட படங்களைப் பாதுகாப்பது அவசியம். போட்டோ ஸ்டுடியோ பழங்காலத்துப் படங்கள் கணினியில் இருக்காது. காகிதமாக இருக்கும் அல்லது போட்டோ-நெகட்டிவ்களாக இருக்கும். இப்படி நம் வீட்டில் இருக்கும் பழைய போட்டோக்களை நாமே மொபைலில் படமெடுத்துக் கணினியில் சேமிக்கலாம். அதற்கு கூகிள் போட்டோ-ஸ்கேன் (Google Photoscan) என்ற சிறப்புச் செயலி இலவசமாகக் கிடைக்கிறது. ஆனால் இப்படி ஒவ்வொன்றாகச் செய்ய அதிக நேரம் பிடிக்கும்.…
-
How to select a laptop for your need?
இன்று மெட்ராஸ் பேப்பரில் வந்திருக்கும் எனதுக் கட்டுரை – புது லேப்டாப்பைத் தேர்வு செய்வது எப்படி?. உங்கள் கருத்துக்களைப் பகிரவும். எது உங்கள் செல்லப் பெட்டி? செல்பேசியின் மூலமாகவே இன்று வங்கிப் பரிமாற்றங்கள் தொடங்கி, ஷாப்பிங், சினிமா பார்ப்பது வரையில் அனைத்தையும் செய்து பழகிவிட்டது. அந்தச் சிறிய திரையைப் பலமணி நேரம் கண்ணும் கையும் வலிக்கப் பயன்படுத்துவது கடினம் என்பதும் நமக்குப் புரிந்துதானிருக்கிறது. இதற்கு நமக்குத் தேவையான மாற்று, ஒரு மடிக்கணினி. உங்களுக்கேற்ற மடிக்கணினியை(லேப்டாப்)த் தேர்வு செய்வதற்கான மூன்று யோசனைகள். தொடர்ந்துப் படிக்க. #madraspaper #windowslaptop #ipad #chromebook
-
The wars I fought with Bluetooth earphones
இன்று மெட்ராஸ் பேப்பரில் வந்திருக்கும் எனதுக் கட்டுரை – புளுடூத் இயர்போன்களோடு எனது போர்கள். உங்கள் கருத்துக்களைப் பகிரவும். நீலப் பல் மகாராஜா ஜெர்மனிக்கு வடக்கே, நார்வேக்குத் தெற்கே இருக்கும் ஒரு சிறிய நாடு, டென்மார்க். இங்கே, பத்தாம் நூற்றாண்டில் ஆட்சியில் இருந்த மன்னர் ஒருவரின் பெயர், ஹரால்ட் புளூடூத். இவர் அருகில் இருக்கும் தீவுகளுக்குச் செல்ல வசதியாகப் பல பாலங்களை அமைத்தார். அதற்கும் இதற்கும் என்ன சம்பந்தம் என்று கேட்காதீர்கள். இன்று நாம் பாடல் கேட்கப் பயன்படுத்தும் இயர்போன்களை நம் செல்பேசியோடு இணைக்கும் புளூடூத் தொழில் நுட்பத்தின் பெயர் இந்த மன்னரின் நினைவாக வைக்கப்பட்டதுதான். வைத்தவர் ஓர் இன்டெல் நிறுவன ஆய்வாளர். நம் ஊரில் மரம் நட்ட அசோகரை நினைவுகூர்வதில்லையா? அந்த மாதிரி அவர் பாலம் கட்டிய பரதேச மன்னரை நினைவுகூர்ந்து அவர் பெயரை வைத்திருக்கிறார். புளூடூத் தரநிலை புளூடூத் என்பது கம்பி இல்லாமல், ரேடியோ அலை வரிசையின் மூலமாக மிகக் குறைந்த சக்தியில் அருகில் இருக்கும் மின்-சாதனங்களை ஒன்றோடு ஒன்று இணைக்கும் ஒரு…
-
What to do before you change your old smart phone?
சில வாரங்களுக்கு முன் புதிய செல்பேசியை வாங்கியவுடன் செய்ய வேண்டிய அவசியமான டெக்னிகல் சடங்குகளைப் பற்றிப் பார்த்தோம். அது மட்டும் போதுமா? புதியது வந்துவிட்டதால் பழையதை அப்படியே தூக்கிப் போட்டுவிடலாமா? ஒன்று, பழைய செல்பேசியை அப்படியே உள்ளே வைத்துவிடுவோம்; இல்லை கடைக்காரரிடம் ஒரு சில நூறு ரூபாய்களுக்குக் கொடுத்துவிடுவோம். சிலபேர் நண்பர்கள் மூலம் தெரிந்தவர்களுக்கு அல்லது தெரியாதவர்களுக்கு நேரடியாகவும் செகண்ட்ஸில் விற்கிறார்கள். இவற்றில் சில ஆபத்துகள் உள்ளன. ஐ.எம்.இ.ஐ. ரசீது ஒவ்வொரு செல்பேசியிலும், கார் நம்பர் போன்ற முக்கிய அடையாள குறியீடு ஒன்று அதன் நினைவு செல்களில் இருக்கிறது. அதற்கு IMEI எண் என்று பெயர். நீங்களோ இல்லை வேறு யாரோ உங்கள் பழைய செல்பேசியில் புதிய சிம் கார்டு போட்டு, வேறு தொலைபேசி எண்ணைப் பயன்படுத்தினாலும், இந்த ஐ. எம். இ. ஐ.யை வைத்து அந்த செல்பேசியை முதலில் வாங்கியது நீங்கள்தான் எனக் காவல் துறையினரால் கண்டுபிடிக்க முடியும். அதை நம்மால் மாற்ற முடியாது; அப்படியே மாற்றினாலும் அது 2017இல் வந்த சட்டப்படி இந்தியாவில்…
