இன்று சிறு கூட்டல் செய்யக்கூடச் செல்பேசியோ கணினியோ தேவை. எழுதி ரசீது கொடுப்பதெல்லாம் காலாவதியான விஷயம். கணினி வேலை செய்யவில்லை என்றால் சின்னக் கடையில் கூட, பெட்டிக் கடையைத் தவிர, எந்தப் பொருளையும் வாங்க முடியாது. ஆனால் இப்படியான சிறு, குறு நிறுவனங்களும், ஏன்… தனி ஒருவர் செய்யும் வியாபாரங்களும் கூடச் சில எளிய செயலிகளைப் பயன்படுத்தத் தொடங்கினால் நேரத்தை மிச்சப்படுத்தி, வாடிக்கையாளர்களை மகிழ்விக்கலாம். இவற்றில் பலவும் இலவசமாகக் கிடைக்கின்றன. ஜோகோ இன்வாய்ஸ், மைக்ரோசாப்ட் புக்கிங் மற்றும் ஃபிரெஷ் வொர்க்ஸ் சி. ஆர். எம். இவற்றைப் பற்றிய இன்றைய மெட்ராஸ் பேப்பரில் ஒரு குறு அறிமுகம். சந்தா எடுக்கவும், படிக்கவும், கருத்துக்களைப் பகிரவும். நன்றி!

கணக்குகள் போட, பல்வேறு மூலத்தரவுகளை விரைவாகப் பகுத்துப் பார்க்க, எந்த வகை அட்டவணைகளையும் எளிதாகச் செய்ய என அலுவலகங்களில் தினமும் பலநூறு முறை பயன்படுத்தப்படும் மென்பொருள் விரிதாள்கள் (ஸ்ப்ரெட் ஷீட்ஸ்). இதில் பிரபலமானது மைக்ரோசாப்ட் எக்ஸெல் மற்றும் அதைப் போன்ற கூகுள் ஷீட்ஸ். இந்த இரு நிறுவனங்களும் பல புதிய வசதிகளைக் கடந்த ஆண்டுகளில் கொண்டு வந்திருக்கிறார்கள், அவற்றில் கூகுள் ஷீட்ஸில் சமீபத்தில் வெளிவந்துள்ள சிலவற்றை இந்த வார மெட்ராஸ் பேப்பர் கட்டுரையில் காணலாம். தேதிகள் ஸ்மார்ட் சிப்ஸ் பீப்பிள் ஸ்மார்ட் சிப்ஸ் பிளேஸ் ஸ்மார்ட் சிப்ஸ் ஸ்மார்ட் ஃபில் மைக்ரோசாப்ட் எக்ஸெல் எங்கேயும் எப்போதும் காணொலி நேர வரைபடம் பெயரிடப்பட்ட செயலாற்றிகள்