• Chennai,  Woolgathering,  தமிழ்

    என் அம்மாவிடம் வாங்கியப் பாராட்டு!

    இதெல்லாம் ஒரு போஸ்டா? வெங்கட்ரங்கன் கடைக்கு போனா என்ன, போகவில்லை என்றால் என்ன, என்று சொல்லமாட்டேன் என்றால் மேலே படிக்கவும். 🏬கடந்த நாற்பத்து சொச்சம் வருடங்களாக நான் சென்னை மாம்பலம் (தி.நகர்) வாசி. வாரத்தில் பல நாட்கள் பனகல் பூங்காவைத் தாண்டித் தான் போவேன். இருந்தும் அங்கே இருக்கும் சென்னை சில்க்ஸ், போத்திஸ், ஆர்.எம்.கே.விக்கு ஒரு முறைக் கூடப் போனதாக நினைவில்லை. சில முறை சரவணா ஸ்டோர்ஸ் பிரமாண்டமாய்க்கு போய் துண்டு (கட்) துணிகள் வாங்கியிருக்கிறேன். திருநெல்வேலிப் போன போது அங்கே போத்திஸ்ஸின் மிகப் பெரியக் கடைக்குப் போய் இருக்கிறேன். தி. நகர் கடைக்குப் போகாத பாவத்தைப் போக்கும் பாக்கியம் இன்று வாய்த்தது. 👦🏾என் பையன் கல்லூரிக்குப் போட்டுப் போக சில சட்டையும், டி-ஷர்ட்டும் வாங்க வேண்டியிருந்தது. பொதுவாக இவற்றை வாங்க என் வாடிக்கையானக் கடை மைலாப்பூர் ரெக்ஸ்-பேஷன் தான். இன்று ஏதோ தோன்ற, தி. நகர் போத்திஸ்க்கு போனேன். அவர்களின் வாகன நிறுத்தகம், துரைசாமி சுரங்கப்பாதை அருகே இருக்கிறது, அங்கே காரை நிறுத்திவிட்டு கடைக்குப்…

  • Apps,  Articles,  தமிழ்

    How to get your grandma’s cookbook preserved digitally?

    இன்றைய (20 ஜூலை 2022) மெட்ராஸ் பேப்பர் இதழில் “பாட்டிகளுக்கு ஜீன்ஸ் மாட்டுங்கள்!” என்கிற தலைப்பில் என்னுடைய கட்டுரை வெளிவந்திருக்கிறது. இதற்கு முன் வந்தக் கட்டுரை “செல்போனுக்குக் கல்யாணம் செய்து வைப்பது எப்படி?“. நண்பர்கள் கட்டுரையைப் படித்து விட்டு தங்களது கருத்துக்களைப் பகிரவும். நன்றி. முழுக் கட்டுரையும், இதழில் உள்ள மற்ற பல நல்ல கட்டுரைகளையும் படிக்க சந்தா தேவை, தமிழ் பத்திரிகை உலகில் தரமான எழுத்தியல் வளர உங்கள் சந்தாவும், ஆதரவும் பயனாகவிருக்கும். முதல் சில பத்திகள் கீழே: நண்பர் ஒருவரது தாத்தா, ஐம்பதுகளில் வெளியான ஒரு தமிழ் மாத இதழின் பதிப்பாளராக இருந்திருக்கிறார். இப்போது அவரது தாத்தாவும் இல்லை; அந்தப் பத்திரிகையும் இல்லை. நண்பர் தன் சொந்த ஆர்வத்தில் அந்தப் பத்திரிகையின் சில பழைய பிரதிகளை பத்திரப்படுத்தி வைத்திருந்தார். படித்துப் பார்த்தபோது மிகவும் வியப்பாக இருந்தது. அந்தப் பத்திரிகை நின்றிருக்கக் கூடாது என்று தோன்றியது. கதைகளும் கட்டுரைகளும் அவ்வளவு நன்றாக இருந்தன. நண்பருக்கும் அந்த வருத்தம் இருந்தது. ஆனால் என்ன செய்ய முடியும்? ஒன்று…

  • Articles,  தமிழ்

    What to do after you bought your new phone?

    இன்றைய (13 ஜூலை 2022) மெட்ராஸ் பேப்பர் இதழில் “செல்போனுக்குக் கல்யாணம் செய்து வைப்பது எப்படி?” என்கிற தலைப்பில் என்னுடைய கட்டுரை வெளிவந்திருக்கிறது. இந்தத் தொடரை  எழுத எனக்கு வாய்ப்பளித்து, எழுதியதை மெழுக்கேற்றிய நண்பர், பிரபல எழுத்தாளர் திரு பா ராகவன் அவர்களுக்கு எனது மனமார்ந்த நன்றிகள். நண்பர்கள் கட்டுரையைப் படித்து விட்டு தங்களது கருத்துக்களைப் பகிரவும். நன்றி. முழுக் கட்டுரையும், இதழில் உள்ள மற்ற பல நல்ல கட்டுரைகளையும் படிக்க சந்தா தேவை, தமிழ் பத்திரிகை உலகில் தரமான எழுத்தியல் வளர உங்கள் சந்தாவும், ஆதரவும் பயனாகவிருக்கும். முதல் சில பத்திகள் கீழே: செல்லற்ற நல்லோர் என்று அநேகமாக இன்றைக்கு உலகில் யாருமில்லை. செல்போன் ஓர் அத்தியாவசியப் பொருளாகிவிட்டது. அதுவும் குறுந்தொழில் – சிறுதொழில் செய்பவர்களுக்கு அதுதான் அலுவலகமே. பல்போன தாத்தா, பாட்டிகளுக்கும் செல் அவசியம். அதுதான் வெளிநாட்டில் இருக்கும் அவர்களின் பேரன், பேத்திகளோடு பேசி, விளையாட உதவும் மந்திரக் கருவி. அப்படிப்பட்ட முக்கியக் கருவிக்குக் கையேடுகள் எதுவும் வருவதில்லை, பள்ளி கல்லூரிகளில் அதைப்…

  • Movie Review,  தமிழ்

    Kadhal Kottai (1996)

    தமிழ் சினிமாவில் மறக்க முடியாத ஓர் திரைப்படம் காதல் கோட்டை (1996). அஜீத்துக்கும், தேவயானிக்கும், இயக்குனர் அகத்தியனுக்கும் மிகப் பெரிய வெற்றியைத் தேடிக்கொடுத்தப் படமிது. இன்று சன் நியூஸ் பார்த்ததில் தெரிந்தது, படம் வந்து 25 ஆண்டுகள் ஆகிவிட்டதென்று. இந்தப் படத்தில் நாயகனும், நாயகியும் பார்க்காமலேயே படமுழுக்க காதலிப்பார்கள், தபால் வழிக் காதல். நம்ப முடியாத இந்த நிகழ்வை, நம்பும்படி தந்திருப்பது தான் படத்தின் வெற்றிக்கு காரணம்.அதோடு அஜீத், தேவயானி, ஹீரா அவர்களின் நல்ல நடிப்பும் சேர்ந்து நம்மை கவர்ந்துவிடுகிறது. இன்றும் படத்தில் வந்தப் பலக் காட்சிகள் எனக்கு நினைவில் இருக்கிறது. பெட்டிக்கடை நடத்தும் மணிவண்ணன் மற்றும் இரவில் குளித்து, இஸ்திரி செய்த துணிகளைப் உடுத்தி, மேக்கப் எல்லாம் போட்டுக் கொண்டு தூங்கப் போகும் பாண்டு கதாபாத்திரமாகட்டும் எல்லாம் பசுமையாக நினைவில் வருகிறது. பொதுவாக ஆங்கிலப் படங்களில் அல்லது வேறு நாட்டுப் படங்களில் இருந்து தழுவியக் கதைகள் தான் தமிழ் சினிமாவில் வருகிறது என்கிற குற்றச்சாற்றுக்கு மாறாக காதல் கோட்டைக் கதையைத் தழுவி, பின்னர் வந்த…

  • TV Show Review,  தமிழ்

    Bridgerton Season 2

    இதயம் (1991) முரளிக்கூட (ராஜா கதாபாத்திரம்) இரண்டு மணி நேரத்தில் தனது காதலை ஹீராவிடம் (கீதா கதாபாத்திரம்) சொல்லிவிடுவார். ஆனால் நெட்பிலிக்ஸ் ப்ரிட்ஜர்டன் இரண்டாம் சீசனில், இந்திய பெண் ‘கேட்’டும், வைகண்ட் ‘ஆண்டனி’ ப்ரிட்ஜர்டனைடும் அவர்களின் காதலை ஒப்புக்கொள்ள, அவர்களுக்கு எட்டு எபிசோடும், பன்னிரெண்டு மணி நேரத்துக்கு மேல் ஆகிறது. இவர்களின் இந்தக் குழப்பத்தால் ராணி சரலோட்டின் திட்டங்கள் பாதிக்கப்படுகிறது, பாவம் அவர்களும் எவ்வளவு நேரம் தான் வலிக்காத மாதிரி இருப்பார்கள்! கேட் சர்மாவாக சிமோன் ஆஷ்லேவும், வைகண்ட் ‘ஆண்டனி’ ப்ரிட்ஜர்டனாக ஜோனாதன் பைலேவும் அவர்களின் கதாபாத்திரங்களாகவே வாழ்ந்திருக்கிறார்கள் . பல முறை உதடும் உதடும் உரசும் அளவுக்கிட்டே வந்தாலும், விலகிப் போய் நம்மைக் கடுப்பேற்றுவார்கள். ஒரு கட்டத்தில் நாமே எழுந்து உள்ளே போய், போதும்டா சாமி, முத்தம் கொடுத்து, காதலை சொல்லித் தொலைக்கவும் என்று கெஞ்சத் தோன்றிவிடுகிறது.

  • Apps,  தமிழ்

    How to read a handwritten grocery bill in Tamil?

    புத்தகப் பக்கங்களில் இருக்கும் தமிழ் எழுத்துக்களைக் கண்டுக் கொள்வது (Tamil OCR) கடந்த இருபத்தைந்து ஆண்டுகளில் கனவாகவே பல தமிழ் இணைய மாநாடுகளில் பேசப்பட்டு வந்தது. கடந்த சில ஆண்டுகளில் நல்வாய்ப்பாக இயந்திரக் கற்றல் பல பல மடங்கு வளர்ந்ததால் இந்தக் கனவு இன்று பெருமளவு சாத்தியமாகி விட்டது. இன்றைக்கு வீட்டில் இருந்த ஒரு மளிகைக்கடை ரசீதை ஐ.போனில், கூகுள் போட்டோ செயலியில் இருக்கும் கூகுள் லென்ஸ் வசதியைப் பயன்படுத்தி வருடிப் பார்த்தேன். எழுதிய மளிகைக் கடை அண்ணாச்சிக்குக் கூடக் கையெழுத்து புரியுமா என்று தெரியாத ரசீதிலிருந்து, ஆச்சரியமாக கூகுள் லென்ஸ் (பல) வார்த்தைகளைச் சரியாக கண்டறிந்து கொடுத்துள்ளது. இணைப்பில் இருக்கும் படங்களைக் காணவும். In the past, I have written about using Python and Google Cloud Vision to recognize Tamil text in your own applications and getting Tamil text from printed books using the open-source Tesseract app. #tamilocr #GoogleLens #GooglePhotos…

  • Articles,  Technology,  தமிழ்

    What to read to get a job in Big Tech – My article in BBC News Tamil

    Today’s BBC News Tamil online has published an article by me on “What to read to get a job in Google, Microsoft or Amazon, and the opportunities ahead”. இன்றைக்கு வந்திருக்கும் பிபிசி நீயுஸ் தமிழ் இணைய இதழில் எனது கட்டுரை. “கூகுள், அமேசான், மைக்ரோசாஃப்ட்டில் வேலைக்குச் சேர என்ன படிக்க வேண்டும்? எப்படித் தயாராவது?“. தேவையான அடிப்படை திறமைகள், சுய விளம்பரம் செய்யுங்கள், கொட்டிக்கிடக்கும் புதிய வாய்ப்புகள், மெய்நிகர் உலக (Metaverse) உருவாக்கம், செயற்கை அறிவு (Artificial Intelligence) துறை, தரவு ஆய்வாளர் (Data Analyst) போன்றவற்றைப் பற்றி சுருக்கமாக எழுதியுள்ளேன். இது இலவச இதழ். படிக்க கட்டணம் எதுவுமில்லை! முழுக் கட்டுரையும் இங்கே (PDF). படித்துவிட்டு தங்களின் கருத்துக்களைப் பகிரவும்.

  • தமிழ்

    Should Tamil Nadu taxpayer fund Tamil Chair in American Universities?

    இன்று (18 ஜூன் 2022) வந்த செய்தி, “புளோரிடா பல்கலைக்கழகத்தில் தமிழ்மொழிக்குத் தனித் துறை”. இந்த முயற்சியை எடுத்துள்ள அமெரிக்கத் தமிழர்கள் சிலர், தமிழக அரசு இதற்கு தாயுள்ளத்தோடு (சில மில்லியன் டாலர்) கொடையளிக்க வேண்டும் என்று கோரிக்கை வைத்துள்ளார்கள். இது எனக்குப் புரியவில்லை. நான் தவறாகப் பார்க்கிறேனா? புரிந்தவர்கள் விளக்கினால் தெரிந்துக் கொள்வேன். உலகம் முழுவதும், குறிப்பாக அமெரிக்காவில் இருக்கும் வசதியானப் பல்கலைகளைக்கு எதற்கு தமிழக பாட்டாளி அவளது வரிப்பணத்தை நன்கொடையாகக் கொடுக்க வேண்டும்? அங்கே தமிழ் அமர்வுகள் வந்தால் நமக்கும் மகிழ்ச்சி தான். அதற்கு அங்கேயுள்ள தமிழர்கள் / இந்தியர்கள் தான் கொடையளிக்க வேண்டும்.விருப்பப்பட்ட தயவாளர்களைக் கேட்கலாம். அவர்களும் செய்கிறார்கள் என்று தான் நினைக்கிறேன். அதோடு சேர்த்து அவர்கள், இங்கே (தமிழகத்தில் /இந்தியாவில்) இருக்கும் வசதியில்லாத பல தமிழ் ஆராய்ச்சிகளுக்கு நன்கொடை தர வேண்டும், அப்படி செய்தால் நம் மாணவர்களும், வல்லுநர்களும் பல அரிய தமிழ்ப் படைப்புகளைத் தமிழுக்குத் தருவார்கள். ஏன், வெளிநாட்டில் செய்யும் ஆராய்ச்சி தான் சிறந்ததா? நம் நாட்டின் ஆராய்ச்சி…