வரலாற்றிலேயே மிகச் சிறந்த கருத்தடை சாதனம் ஐபோன்

செல்பேசிப் பயன்பாட்டால் பசங்க படிக்க மாட்டேனென்கிற புலம்பலைக் கேட்டிருப்போம்.

ஆனால், ஐபோன் (iPhone) வெளிவந்ததில் இருந்து மக்கள், பிள்ளைகளையே பெற்றுக்கொள்ள மாட்டேனென்கிறார்களாம். அதாவது பிள்ளைப்பேறே குறைந்துவிட்டது என்கிறது இந்த ஆய்வுக் கட்டுரை. என்ன கொடுமை சரவணன் இதெல்லாம்!

மேலும் விவரங்கள்:
ஜூன் 2007 முதல் பிப்ரவரி 2011 வரை, அமெரிக்காவில் ஐபோன் (iPhone) ஏடி&டி (AT&T) நிறுவனத்தின் மூலமாக மட்டுமே கிடைத்தது; இது ஒரு இயற்கையான பரிசோதனைக்கு (Natural Experiment) வழிவகுத்துள்ளது. அந்தத் தரவுகளை வைத்துச் செய்யப்பட்ட ஆய்வு இது.

அந்தக் கட்டுரை முன்வைக்கும் காரணங்கள்:
– நேரடிச் சந்திப்புகள் குறைதல்
– தனிமையும், அதிகரிக்கும் இணையப் பயன்பாடும்
– பாலியல் செயல்பாடுகள் குறைதல்
– டிஜிட்டல் பொழுதுபோக்குகளும், ஆபாச வீடியோக்களும்
– அதிகரிக்கும் கருத்தடை விழிப்புணர்வு

பொருளாதாரச் சூழல், மக்கள்தொகை மாற்றங்கள் மற்றும் அரசாங்கக் கொள்கை வேறுபாடுகளை ஆராய்ந்த பிறகும் இந்த முடிவுகள் பொருந்திப் போகின்றன என்று சொல்லியுள்ளார்கள்.

செல்பேசி என்பது ஒரு குறியீடு மட்டுமே என்றும்; சமூக ஊடகங்கள், டிஜிட்டல் பொழுதுபோக்குகள் மற்றும் மாறிவரும் சமூக நெறிமுறைகளின் ஒட்டுமொத்தப் பிரதிபலிப்பாகவே இது நடக்கிறது என்றும் இக்கட்டுரையின் ஆசிரியர்கள் ஒப்புக்கொள்கிறார்கள்.

Reference

Is the iPhone Birth Control? Causal Evidence from AT&T’s 2007–2011 Carrier Monopoly by Caitlin K. Myers & Ezekiel Hooper.