Gopal Tooth Powder, a regular in Radio advertisements

கோபால் பல்பொடி – தமிழ் வானொலியைக் கேட்ட யாரும் இவர்களின் விளம்பரங்களைக் கேட்காமல் இருக்க முடியாது. “இந்தியா, இலங்கை, மலேசியா, சிங்கைப் போன்ற நாடுகளில் மக்களின் பேராதரவைப் பெற்றது” என்ற வசனம் தமிழ் நாடக/சினிமா காமெடியில் பிரசித்தம். சின்ன வயதில் வீட்டில் கோல்கேட் பல்பொடி பயன்படுத்திய நினைவுண்டு. இருந்தும் கோபால் பல்பொடியைைப் பயன்படுத்தியதாக நியாபகம் இல்லை. அப்படியொன்றும் பெட்டிக் கடைகளுக்கே போகாத மேல் தட்டு (நுனி நாக்கு இங்கிலீஷ்) ஆசாமியெல்லாம் இல்லை நான் .

நேற்று காலை பண்பலையில் “கோபால் பல்பொடி” என்றுக் கேட்டவுடன் தெருக்கோடியில் இருக்கும் பெட்டிக்கடைக்குச் சென்று வாங்கி வந்து பல்துலக்கிப் பார்த்தேன். பற்கள் பளபளத்தது, ஆனால் எனக்குப் பிடிக்கவில்லை, சக்கரை/இனிப்பு தூக்கலாக்க இருந்தது.

நீங்கள் கோபால் பல்பொடியைப் பயன்படுத்தியதுண்டா? பிடிக்குமா?