“சீனா – விலகும் திரை” என்ற இந்தப் புத்தகம் திருமதி.பல்லவி அய்யர் (இவர் என்.டி.டி.வியில் பணியாற்றி போது நமக்கு எல்லாம் தெரிந்த முகம்) அவர்களின் “Smoke and Mirrors: An Experience of China” என்ற ஆங்கிலப் புத்தகத்தின் தமிழாக்கம். சாதாரணமாக ஆங்கிலத்தில் எழுதப்பட்ட நூலை ஆங்கிலத்தில் படிப்பது தான் ஆசிரியர் சொல்ல வந்ததை நாம் சரியாகப் புரிந்துக் கொள்ள முடியும் என்பது எனது கருத்து. ஆனால் கிழக்கு பதிப்பத்தின் கடையில் இந்த நூலைப் பார்த்தவுடன் பிடித்துவிட்டது, முக்கியமாக அதில் கேட்டு இருந்த  கேள்வி என்னை சிந்திக்க வைத்தது – “சீனாவைப் பற்றி நமக்கு என்ன தெரியும்? ஒன்றும் தெரியாது என்பது தான் உண்மை”. பல்லவி அய்யர்  2002ல் இருந்து 2007வரை ஐந்து ஆண்டுகள் பேய்ஜிங்கில் வாழ்ந்த அனுபவத்தில் இந்தப் புத்தகத்தை எழுதியுள்ளார். மேலோட்டமாக சீனாவைப் பற்றிய நூல் அல்ல இது, அவர்களுடன் வாழ்ந்து, சீனா மொழியைக் கற்று அதைப் பேசி, சீனாவில் உள்ள இன்றைய தலைமறையினருக்கு பாடம் எடுத்த அனுப்பவத்தில் எழுதப் பட்ட நூல். …